Зоолошка во Сингапур претстави над 500 младенчиња кои се родиле минатата година

Во зоолошката градина во Сингапур денеска биле претставени над 500 младенчиња кои дошле на овој свет минатата година, а меѓу нив има и многу загрозени видови.

Овие животинчиња спаѓаат во 145 видови, од кои повеќе од една четвртина се загрозени. Меѓу нив е и Ханса, женка орангутан од Борнео, родена лани во април. Сликите од неа воодушевија многумина.

Зоолошката во Сингапур има и парк со птици, како и река, а се организираат и ноќни сафари тури.

Се работи за четвртата најдобра зоолошка градина на светот, според интернет водичот „Трипадвајзер“.