Успешно заврши спасувачката мисија во Тајланд

Светот има нови херои. Меѓународниот тим на нуркачи го доби овој епитет по неверојатно тешката и опасна тридневна мисија во која успешно ги извлече сите момчиња, членови на фудбалскиот тим „Диви свињи“ и нивниот 25-годишен тренер.

Деветнаесетте нуркачи утринава во 10 часот влегоа во пештерата и решително ја започнаа третата финална фаза од спасувачката мисија.

Според специјалните тимови, ова беше анува збор за исклучително тешка мисија. Велат дека се максимално концентрирани иако чувствата знаат да преовладаат, бидејќи децата ги чувствуваат како свои сопствени.

„Судбината на секое дете зависеше од нас. Бевме максимално подготвени и концентрирани за големото финале. Го дадовме максимумот и се добро заврши.
Сите момчиња кои беа извлечени вчера и завчера се здрави и физички и психички и комуницираат. Две од нив имаат воспаление на белите дробови и ја примаат потребната терапија. Оние кои денеска се спасени се исто така итно пренесени во болница и ја добиваат сета потребна нега. Сите ќе бидат задржани најмалку една недела, поради нивниот ослабен имунитет.“ - изјави Наронгсук Кисуб-професионален нуркач.

Целата светска јавност внимателно го следеше секој момент од сложената и исклучително опасна операција,а Холивуд веќе подготвува филм за, како што велат, хероите на светот кои учестуваат во спасувањето на тајландските момчиња.