Судски рочишта за „Труст“ и „Тарифа“

13.02.2018 | 09:26
Прочитано: 538

Судски рочишта за предметите на Специјалното јавно обвинителство „Труст“ и „Тарифа“ за денеска се закажани во Кривичниот суд.

Во „Труст“ првоосомничен е бизнисменот Сеад Кочан, како и две физички и три правни лица, меѓу кои и управителите на фирмите „Трансмет“, „Силекс“ и „Вато“ ДООЕЛ, за учество на тендер на Електрани на Македонија.

На ред се доказите на одбраната, по што се очекуваат завршните зборови и пресудата.

Според обвинението, осомничените со фалсификувани документи местеле тендери во ЕЛЕМ во вредност од 17 милиони евра.

Во предметот „Тарифа“ пак обвинети се поранешниот генерален директор на АД „ЕЛЕМ“ Дејан Бошковски и уште други две лица.

Станува збор за обвинение за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра.

Обвинителите на СЈО рекоа дека ќе докажат оти тројцата обвинети ја злоупотребиле службената положба и овластувањето. Обвинетите пак се изјаснија дека не се виновни.


The content of this field is kept private and will not be shown publicly.
Image CAPTCHA
Enter the characters shown in the image.