Силен циклон ја зафати Индија, околу 300.000 луѓе се евакуирани

11.10.2018 | 09:46
Прочитано: 984

Силен циклон ги зафати источните делови на Индија, корнејќи дрвја, далноводи и уништувајќи куќи, поради што речиси 300.000 луѓе се евакуирани.

Циклонот Титли, кој во превод значи „пеперутка“, е проследен со ветер кој дува со јачина и до 150 километри на час, како и поројни дождови кои ги поплавија крајбрежните области во источната држава Ориса. Погодена е и соседната индиска држава Андра Прадеш.

Училиштата се затворени, а редуциран е и воздушниот и железничкиот сообраќај. Стотици илјади семејства останале без електрична енергија.

Метеоролозите предвидуваат дека циклонот до вечерва нема да ја намали својата јачина, а во меѓувреме и крајбрежните области на Бангладеш се предупредени да се подготват за евентуална бура.


The content of this field is kept private and will not be shown publicly.
Image CAPTCHA
Enter the characters shown in the image.