Повеќе од 40 загинати во сообраќајна несреќа во Кенија

10.10.2018 | 09:21
Прочитано: 820

Најмалку 40 лица загинаа рано утрово во сообраќајна несреќа во западна Кенија, соопшти полицијата.

Според полициски службеник, повеќе од 40 луѓе загинале на местото на несреќата, но можно е бројот да е и поголем.

Весникот „Дејли Нејшн“ пак објави дека бројот на загинати е 42.

На местото на несреќата во градот Фортран приситгнале полициски и спасувачки тимови. Бројот на жртви може да се зголеми, бидејќи во автобусот има повеќе луѓе.

Според полицијата, автобусот во кој имало 52 патници, патувал од главниот град Најроби до градот Кисуму во западниот дел на областа Какамага. При спуштање во стрмна падина, автобусот излетал од патот од височина од 20 метри.

Според официјалните статистички податоци, во Кенија секоја година во сообраќајни несреќи страдаат по околу 3.000 луѓе, но Светската здравствена организација (СЗО) има податоци за повеќе од 12.000 жртви на сообраќајни несреќи годишно.


The content of this field is kept private and will not be shown publicly.
Image CAPTCHA
Enter the characters shown in the image.