Облачно време со повремен дожд и снег на планините

21.03.2018 | 09:16
Прочитано: 497

Времето во Македонија ќе биде променливо облачно со повремени врнежи од дожд, а на планините од снег, особено претпладне. Повеќе врнежи ќе има во северозападните делови каде локално се очекува да наврнат над 15 л/м2 воден талог. Ќе дува умерен јужен ветер.

Утринската температура ќе се движи од три до осум, а дневната од 10 до 18 степени.

Во Скопје времето ќе биде променливо облачно, претпладне со повремен дожд. Ќе дува умерен до засилен југозападен ветер кој кон крајот на денот ќе го промени правецот во северен.

Утринската температура ќе се спушти до четири, а дневната ќе се искачи до 14 степени.

Во четврток времето ќе биде облачно со повремени врнежи од снег, а во крајниот југоисточен дел од дожд. Локално ќе има услови за појава на замрзнат дожд. На повеќе места се очекува да наврнат околу 20 л/м2 воден талог. Во поголем дел од земјава ќе се формира помала снежна покривка, а на планините значително ќе се зголеми.

Постепено затоплување ќе има од недела во текот на денот кога врнежите ќе бидат претежно од дожд.


The content of this field is kept private and will not be shown publicly.
Image CAPTCHA
Enter the characters shown in the image.