Филмот „Златна петорка“ прикажан на фестивалот „Солеј“ во Созопол

08.06.2018 | 13:45
Прочитано: 2145

Филмот „Златна петорка“ на режисерот Горан Тренчовски синоќа беше прикажан во  киноклубот „Отец Паисиј“ во бугарскиот град Созопол, во рамки на 8. Меѓународен франкофонски фестивал „Солеј“ и како дел од проектот „Поврзување“ на Културно-информативниот центар на Република Македонија во Софија.
 
Филмот неодамна имаше специјална проекција и на 6. Фестивал на европскиот филм „Златна липа“ во Стара Загора, каде присуствуваше и режисерот Тренчовски како член на меѓународното жири.
 
Како што соопшти продукцијата „Револушн“, на 25 јуни филмот ќе биде прикажан и на Интернационалниот филмски фестивал во Равно Село, основан од познатиот актер Лазар Ристовски, а во август ќе биде прикажан во Локарно. Продолжува и дистрибуцијата на филмот низ градовите во Македонија и од утре ќе се прикажува во Домот на културата во Радовиш.
 
Досега филмот е прикажан на сите континенти, учествувал на 23 фестивали, освоил 10 награди и го виделе над 80 000 гледачи.


The content of this field is kept private and will not be shown publicly.
Image CAPTCHA
Enter the characters shown in the image.