Емисии Емисии Емисии Емисии Емисии Емисии Емисии Емисии Емисии Емисии

Ударни вести

Отворено студио - Избори 2019


Скандинавски избори, но со историски најниска излезност од само 42 насто. Пендаровски со само 4.600 гласови предност во однос на Сиљановска Давкова. Блерим Река освои 10,57 насто. Каде ќе завршат овие гласови во вториот изборен круг? Дали владејачката ДУИ стои зад „тивкиот“ бојкот или навистина ја изгуби политичката сила на терен? Во однос на локалните избори и СДСМ и ВМРО-ДПМНЕ со стопена поддршка. Партиските гласачи на терен, дали пресудија неопределените, демотивираните и разочараните?

За изборните резултати дебатираат: Арбен Таравари – Алијанса на Албанците, Игор Јанушев - генерален секретар на ВМРО-ДПМНЕ, Александар Кирацовски – генерален секретар на СДСМ.


На претстојните предвремени локални избори и Охрид, покрај Ново Село и Дебар треба да добие официјален нов градоначалник. Градот кој е под заштита на УНЕСКО, во 21-от век се соочува со сериозни проблеми. Зборуваме за Охрид, градот кој е ризница на непроценливо, културно, религиозно и историско богатство, се соочува со проблемот на масовното иселување и миграциите. Истовремено, Охрид е уникатен пример за општина, чија сметка со години во континуитет е под блокада.

За градот кој се нарекува балкански бисер, за проблемите и решенијата, зборуваме со кандидатите за градоначалник на Охрид, Михаил Трендафилов од ГДУ, Константин Ѓеоргиевски од СДСМ, Митре Милошевски од ВМРО-ДПМНЕ и Стевче Стевоски од Демократи.


Додека си вадиме очи со политика, младите ни избегаа пред нос. Опседнати сме со партии, трачеви, тривијалности, а не забележуваме дека државата ќе остане без народ. Истражувањата се поразителни, 90 % од младите сакаат да ја напуштат државата, а истиот тренд владее во цела источна Европа. Има ли решение, што да се прави, како да ги сочуваме младите.
Разговараме со представници на невладиниот сектор, образованието и бизнис заедницата, Владо Димовски, Кенан Асани и Ѓоко Цветков.

Борбата против корупцијата како клучна на патот на Македонија кон Европската Унија.

Во 24 анализа, интервју со претседателката на Антикорупциската комисија, Билјана Ивановска.


Владата им помогна на општините да се раздолжат, но има ли начин да го запре луксузирањето на градоначалниците? Каде заглави реализацијата на капиталните инвестиции? Владата најавува нов раст на минималната плата, Светска банка бара побрзи реформи, германската Стопанска комора ја оцени економијата со нула. Ќе се остварат ли владините проекции за раст на економијата од 3,2 отсто?

Во 24 Анализа со Наташа Стојановска дебатираат, универзитетските професори, Борче Треновски и Мирољуб Шукаров.


Освен Ново Село и Охрид и Дебар на претстојните предвремени локални избори, треба да добие свој градоначалник. Од Дебар, владејачката ДУИ ја започна изборната кампања. Градот кој го носи белегот на мултиетничноста, не е заобиколен од белата чума, а тоа е иселеничкиот егзодус. Во каква состојба е инфраструктурата? Јасно е дека е таму е поларизирано гласачкото тело од албанскиот политички блок. Што очекуваат граѓаните гласачите?

Гости се двајцата кандидати за градоначаник на општина Дебар, др. Хеку Ран Дука од ДУИ и Арбен Аголи од Алијанса на Албанците.


Каков претседател и потребен на Македонија? Какви пораки се испраќаат од митинзите? Гледаме ли јасна државничка визија кај претседателските кандидати? Што нудат Река, Силјановска и Пендаровски? Дали идниот шеф на државата ќе се одлепи од партиското миље? Социјалните мрежи како моќен фактор во ловењето на гафови и форсирањето на лажни вести.

Во телевизија 24, дебата со Мице Дудучки, психијатар, Јасна Бачовска Недиќ, универзитетски професор и актерот Сашо Тасевски.


Една недела кампања, името во фокусот на претседателските кандидати На надворешен план се чека јунскиот извештај со кој Македонија ќе треба да добие датум за старт на преговорите и уште една позитивна препорака. Од Брисел, порака дека треба да се заврши домашната работа. Во фокусот на изборната кампања е она што се случува во секојдневието. Ќе има ли власта цензус, ќе бојкотира ли опозицијата во вториот изборен круг? Дали ВМРО-ДПМНЕ брка победа на претседателскиот кандидат или легимитет на Христијан Мицкоски? Дали БЕСА и Алијанса работат  на терен едни против други или едни за други? Ќе пукне ли тиквата помеѓу СДСМ и ДУИ на терен?

Гости се: Мухамер Зекири од СДСМ, Антонио Милошоски од ВМРО-ДПМНЕ и Арианит Хоџа од БЕСА.


Во пакет со престојните претседателски избори, ќе се спроведат и локални избори, во три општини, во три градови. Гости во Тренд анализа се Николчо Стоилков од ВМРО-ДПМНЕ и Никола Андонов од СДСМ, кандидати за градоначалници за Ново Село.