Во САД во последните 24 часа починале 4.336 лица, најмногу откако е започната пандемијата
Foto

Во САД во последните 24 часа починале 4.336 лица, најмногу откако е започната пандемијата

Во претходните 24 часа во САД се регистрирани 4.336 смртни случаи од коронавирус, што е најголем дневен биланс на смртни случаи откако лани беше прогласена пандемијата.

Вкупниот број на смртни случаи кај пациенти со Ковид-19 сега изнесува 380.524, од 22,7 милиони потврдени инфекции со коронавирус во САД, јавуваат британските медиуми.

САД се наоѓаат убеделиво на првото место во светот според бројот на потврдени случаи на Ковид-19, а според проекциите на Институтот за здравствена еиденција и прогноза на Универзитетот во Вашингтон, до крајот на јануари се очекуваат нови 108.000 смртни случаи од инфекцијата, а до 1 април вкупно 567.000.

Американскиот секретар за здравство, Алекс Азар, денеска изјави дека е достигната бројката од 700.000 вакцинации дневно и дека се очекува во следните седум до 10 дена во земјата дневно да се вакцинираат до милион Американци.

 

0 Коментари

Остави коментари