Во филмско бегство од затворот во Атина избегаа двајца затвореници

Со кука и импровизирано јаже, двајца затвореници вчера побегнале од атинскиот затвор „Коридалос“.

Претходно ги пресекле решетките од ќелијата, стигнале до мал надворешен дел од затворот каде што немало чувари и со помош на кука и импровизирано јаже го прерипале надворешниот ѕид во височина од околу шест метри и излегле од затворот.

Според грчките медиуми, станува збор за двајца браќа Албанци, осудени за кражби, а бегството, кое е регистрирано и на безбедносните камери, се случило вчера во 20.40 часот по локално време.

При пребројувањето на затворениците утрово било забележано дека две лица се отсутни, по што и било откриено дека двајцата Албанци побегнале, а биле пронајдени и јажето и куката.

Грчката полиција трага по двајцата затвореници.