Средба на Никола Димитров со европскиот комесар за миграција, внатрешни работи и државјанство, Димитрис Аврамопулос
Foto

Средба на Никола Димитров со европскиот комесар за миграција, внатрешни работи и државјанство, Димитрис Аврамопулос

На средбата беа разменети мислења за актуелни случувања во земјава и Регионот, по исходот на октомврискиот Европски совет, како и за тековните прашања во самата ЕУ. Соговорниците се осврнаа и на заедничките современи предизвици, кои наметнуваат потреба од заедничка соработка и дејствување, со особен акцент на миграцијата, а во тој контекст стана збор и за потпишувањето на Статусниот Договор за соработка на Северна Македонија со Европската агенција за гранична и крајбрежна стража.

Министерот Димитров повтори дека и покрај искреното жалење што не се постигнал консензус за донесување на одлука за почеток на преговорите на ЕУ со Северна Македонија во октомври, земјата не отстапува од европскиот курс, од реформите и градењето на добрососедските односи и регионалната соработка.

Еврокомесарот Аврамопулос изрази задоволство од постигнувањата на земјата во однос на европската интеграција. Северна Македонија покажа големи заложби и напори во справување со безбедносните ризици и предизвици кои произлегоа од миграциската криза, за кои ЕУ е особено благодарна и ќе продолжи да соработува со земјата и понатаму.

0 Коментари

Остави коментари