Шампионот Торонто им го нанесе вториот пораз на Лејкерс оваа сезона
Foto

Шампионот Торонто им го нанесе вториот пораз на Лејкерс оваа сезона

Актуелниот НБА шампион, Торонто репторс рано утрово во „Стејплс центар“ го совлада Лос Анџелес лејкерс со 113:104.

Гостите од Канада до победата стигнаа со подобра игра во второто полувреме кое го добија со 61:44.

Најефикасен во победничкиот тим беше Паскал Сиакам со 24 поени и 11 скока. Фред Ванвилт исто така забележа дабл-дабл, мечот го заврши со 23 поени и 10 асистенции.

Кај домаќините, најефикасен беше Ентони Дејвис со 27 поени и осум скока. Леброн Џејмс забележа трипл-дабл 13 поени, 13 скока и 15 асистенции.

За Торонто ова беше седма победа и трета во низа.

ЛА лејкерс го забележа првиот пораз по седум последователни победи.

Резултати на другите средби одиграни ноќта меѓу недела и понеделник:
Орландо – Индијана 102:109
Филаделфија – Шарлот 114:106
Оклахома – Милвоки 119:121
Њујорк – Кливленд 87:108
Феникс – Бруклин 138:112
Портланд – Атланта 124:113 (по продолжение).

 

На Западот водечки две екипи се ЛА лејкерс и Денвер со биланс 7-2 (победи-порази), во источната конференција Бостон е прв со 7-1, Торонто има ефект 7-2. 

0 Коментари

Остави коментари