Седум дена ни трага ни глас од Марија Брзакова од струмичко Босилово
Foto

Седум дена ни трага ни глас од Марија Брзакова од струмичко Босилово

Цела недела ни трага ни глас од 28 годишната Марија Брзакова од Босилово по која изминативе седум дена интензивно се трага со полиција. Денеска се вклучија граѓани и членови на ловните друштва кои го пребаруваа сите канали, речни користа и вештачки акумулации се до бугарската граница. Беа поделени во повеќе групи во обид да се пронајде Марија но денешната потрага не вроди со плод

Марија Брзакова е сопруга и мајка која минатата сабота излегла од сопствениот дом во Босилово по што и се губи секаква трага. Струмичката полиција потврди дека Марија се води како исчезната откако нејзиниот сопруг во понеделникот пријавил дека ја ја нема

"На 20.01.2020 во 15.20 часот во Полициска станица Струмица Б.Б.(29) од село Босилово пријавил дека од нивниот семеен дом во с.Босилово се оддалечила неговата сопруга М.Б.(28). Полициската станица Струмица ги превзема сите мерки за пронаоѓање на лицето. " - се вели во информацијата на полицијата.

Дваесет и осумгодишната Марија Брзакова исчезнала во утринските часови на 18-ти овој месец. Била облечена во тренерки во темна боја. Со себе не носела мобилен или каков било документ. Висока е околу 160 сантиметри,. Најблиските и полицијата апелриа доколку ја забележат да пријават на 192

0 Коментари

Остави коментари