Полицијата се уште трага по напаѓачите кои извршија напад на шест локации во Виена
Foto

Полицијата се уште трага по напаѓачите кои извршија напад на шест локации во Виена

Како што објави министерството за внатрешни работи, повеќе напади започнале околу 20 часот на шест места во центарот на Виена меѓу другото и пред синагога а у нив учестувавле десетина напаѓачи, од кои некои се уште се во бегство. Првичниот напад се случил во близина на градската синагога. Не е познато дали синагогата била првична цел на нападот. 

Според информациите кои ги објави владата, загинале тројца, а меѓу нив и еден напаѓач. Медиумите јавуваат за седум мртви. Според засега достапните информации, 15 лица се хоспитализирани.

Австрискиот канцелар Себастијан Курц се обрати на државната телевизија и рече дека овој одвратен терористички чин нема да ја исплаши нацијата.

„Мило ми е што полицијата успеа да елиминира еден од напаѓачите. Нема да не исплаши тероризмот и против ваквите напади ќе се бориме со сите сретства.“ - порача Курц.

Градот е под целосна опсада и по напаѓачите се трага и со хеликоптери. Иако на една снимка се гледа дека полицијата приведува четворица, не е потврдено дали тоа се дел од напаѓачите.

За нападот во Виена се огласи и францускиот претседател Емануел Макрон.

„Ние, французите, ги делиме шокот и тагата со Австијците по нападот во Виена. Ова е наша Европа. Нашите непријатели мора да знаат со што си имаат работа. Нема да попуштиме.“ - напиша Макрон.

Полицијата упати апел до граѓаните да не излегуваат, да не снимаат и да не ставаат видеа на Твитер зошто им ја отежнуваат потрагата по напаѓачите и нив ги ставаат во опасност со откривањето на локациите. На првичните снимки се гледа престрелката на полицијата со напаѓачите, како и убиството на едно лице од страна на еден од напаѓачите.

Од последните снимки што доаѓаат од Виена, полицијата на мотори брка едно лице кое бега, но успеваат да го совладаат.

0 Коментари

Остави коментари