Мицковски на средба со Орбан, со Груевски не се видел
Foto

Мицковски на средба со Орбан, со Груевски не се видел

Предвремените избори во земјава биле главна тема на разговорите меѓу лидерот на ВМРО-ДПМНЕ, Христијан Мицкоски и унгарскиот премиер, Виктор Орбан. Мицкоски, кој е во официјална посета на Будимпешта, бил пречекан на државно ниво во резиденцијата на Орбан, која се наоѓа во замокот Кармелита, каде станало збор и за прашања поврзани за меѓусебна соработка на партиско ниво.

„Унгарскиот премиер бил информиран дека бараме и очекуваме да се случат предвремени избори. Самото тоа што делегацијата на ВМРО-ДПМНЕ била примена со највисоки почести кажува дека Орбан е на наша страна и не поддржува.“ - велат од ВМРО – ДПМНЕ.

Опозициската ВМРО-ДПМНЕ соопштува дека, на средбата Мицкоски изразил загриженост поради, како што наведуваат, криминалите и корупциските скандали со кој се соочува владата на премиерот Заев, како и отсуството на правни разрешници на таквите криминални афери кои го загрозуваат функционирањето на правната држава.

Средбата предизвика голем интерес кај јавноста, имајќи предвид дека во Будимпешта е почесениот претседател на ВМРО-ДПМНЕ, Никола Груевски. Сепак, според информациите, тој ниту присуствал на неа, ниту пак се сретнал со Мицкоски.

0 Коментари

Остави коментари