Калевска Ванчева за тв 24: Пописот ќе го прават професионалци и луѓе со кредибилитет
Foto

Калевска Ванчева за тв 24: Пописот ќе го прават професионалци и луѓе со кредибилитет

Снежана Калевска Ванчева од СДСМ во емисијата 24 анализа во врска со пописот вели дека ќе добијат издржаа статистичка операција која ќе ги постигне целите.

„Овој закон целата надлежност за одвивање на пописот ја дава во рацете на оној кој е надлежен, а тоа е Државниот завод за статистика. Тоа ќе го направат професионалци и луѓе со кредибилитет. Овој закон ги задоволува сите европски стандарди.“ - рече Калевска Ванчева.

Калевска Ванчева истакна дека не е точно дека законот се носи на шверценрски начин, како што тврдела опозицијата. Пратеничката како прва причина го посочи фактот дека согласно Законот за попис, изгласан од мнозинството пратеници во Собранието, пописот ќе биде спроведен од професионалци од страна на професионална институција, Државниот завод за статистика, по меѓународни практики и согласно стандардите на ЕВРОСТАТ.

“Верувам дека овој Закон ги задоволува сите европски стандарди и верувам дека ќе биде успешна операција”, рече Калеска Ванчева.
 
Во однос на носењето на Законот, Калеска Ванчева истакна дека Законот за попис се подготвувал од 2018 година кога беа прифатени и сугестиите на ВМРО ДПМНЕ.
 
“Од март 2018 се спрема овој закон, јавно објавено, домашни експерти беа вклучени пред да влезе во собраниска процедура и беа преку 20 забелешки кои ВМРО-ДПМНЕ ги даде вметнати во Законот. Не е точно и дека се носи наводно на шверцерски начин. Вистината е сосема поинаква”, рече Калеска Ванчева.

0 Коментари

Остави коментари