Евакуација на мигрантските „диви кампови“ во Париз
Foto

Евакуација на мигрантските „диви кампови“ во Париз

Француската полиција  рано изутринава започна  операција за евакуација на двата кампa во кои се наоѓаат помеѓу 600 и 1200 мигранти во североисточниот дел на Париз.

Околу 600 полицајци од 6 часот ги спроведуваат лицата од кои најчесто се странци без документи и кои живеат во шатори во близина на обиколницата на Париз. Тие со автобуси се носат во прифатни центри во Ил де Франс.

Оваа евакуација од невидени размер повеќе од пред една година во главниот град се одвива во контекст на зацврстување на реториката за миграциската политика и само еден ден по „заложбата“ направена од министерот за внатрешни работи, Кристоф Кастанер. Тој увери во средата за време на најавите на владата за имиграција дека камповите во североисточниот дел на Париз треба да бидат преместени „до крајот на годината“.

-Не можам да оставам ситуација со опасност од ваков вид, не само за луѓето што се населуваат покрај сообраќајниците, туку и за возачите, сето тоа не може да трае повеќе, и тоа е острината за која зборувам со вас, објасни за присутните новинари началникот на париската полиција Дидиер Лалемент.

Според проценката во Франција живеат околу 20.000 бездомници и мигранти без покрив на главата, од кои дури 3.000 во Париз.

Според префектурата на полицијата на Париз, денеска евакуираните лица ќе бидат згрижени, а нивната административна ситуација ќе биде исто така разгледана.

0 Коментари

Остави коментари