100 прегледи дневно во детската болница Козле, хоспитализирани 25 деца
Foto

100 прегледи дневно во детската болница Козле, хоспитализирани 25 деца

Иако децата сојот омикрон најчесто го поминуваат со лесни симптоми, епидемиолозите алармираат дека не се работи за толку едноставен сој.

Омикронот е премногу заразен, а почнува како обична настинка без страшни симптоми, но заморот е доминантен, вели епидемиологот Сашо Олумчев. Во Гевгелија веќе детските одделенија се преполни, а бројот на тестирања на децата секојдневно се зголемува.

- Децата кои се со хронични заболувања треба посебно да внимаваат, како од омикрон така и од обичниот грип, бидејќи се ризични групи, а штом почувствуваат замор тоа е првиот аларм да се јават на лекар и да добијат соодветна терапија, вели д-р. Олумчев. 

Во Скопје пак, над 100 прегледи на ден се вршат во детската клиника Козле- температура над 38, болки во грлото и кашлица се најчестите симптоми поради кои децата бараат лекарска помош во болницата. Покрај коронавирусот, кај децата се присутни и настинки и сезонски грип- вели за ТВ 24, директорот на Институтот за белодробни заболувања Козле, Бесник Зеќири.

Во детската болница е зголемен и бројот на хоспитализации за разлика од периодот пред Нова Година. Во моментов има 25 хоспитализирани деца кои се позитивни на коронавирусот, но сликата им е поблага за разлика од оние кои биле хоспитализирани пред Нова Година. Директорот тоа го препишува на омикрон бидејќи околу 70% од заразените се со овој сој за кои карактеристични се полесни симптоми, за разлика од другите соеви кои беа присутни во земјава.

Според последниот извештај на ИЈЗ најмал процент на заразени е регистриран кај возразната група од 0-9 години, осносно 205 случаи за периодот од 10 до 16 јануари, но дел од лекарите велат дека во следниот период овој процент се очекува да порасне.

0 Коментари

Остави коментари